ҚР ҰЭМ Табиғи монополияларды реттеу және бәсекелестікті қорғау департаменті "Астанаэнергосбыт" ЖШС-ы тарапынан табиғи монополиялар субъектiлерiнiң реттелiп көрсетiлетiн қызметтерiне (тауарларына, жұмыстарына) қол жеткiзу шарттарын күштеп таңуға немесе тұтынушыларды кемсiтуге әкеп соғатын өзге де iс-әрекеттер жасауға ҚР "Табиғи монополиялар және реттелетін нарықтар туралы" Заңының 5-бабы 1-тармағы 5) тармақшасын бұзу фактісі анықталды, деп хабарлады комитеттің ресми сайтында.
Осыған байланысты, Департаментпен "Астанаэнергосбыт" ЖШС ҚР ӘҚБтК-ның 164-бабының 4 бөліміне сәйкес әкімшілік жазаға тарту туралы хаттама толтырылды.
Департамент Серіктестіктің өтінішіне сәйкес, ҚР ӘҚБтК 24-бабының тәртібі бойынша әкімшілік құқық бұзушылық туралы істі Астана қаласының ауданаралық мамандандырылған әкімшілік сотына қарауға берді.
Астана қаласының ауданаралық мамандандырылған әкімшілік сотының қаулысымен кәсіпорын 1600 айлық есептік көрсеткіш мөлшерінде 3 393 600 теңге мемлекеттік кіріске айыппұл ретінде әкімшілік жазаға тартылды.
