"Қазақстан аруы-2016" қатысушылары елордалық мектеп-интернатта қайырымдылық шарасын өткізді

973

"Қазақстан аруы-2016" қатысушылары елордалық мектеп-интернатта қайырымдылық шарасын өткізді

"Қазақстан аруы-2016" байқауына дайындық шеңберінде конкурсанттардың қатысуымен алғашқы қайырымдылық шарасы өтті. Қатысушылар елорданың арнайы коррекциялық мектеп-интернатында болды, деп жазады astana.gov.kz.

"Үлкен істердің барлығы кішкентай игі шаралардан басталады. Сол себепті бүгін байқау қатысушыларының осында келуі – біздің балаларымыз үшін үлкен мереке", -– деп мәлім етті мектеп-интернаттың директоры Бахриден Кәрімжанов.

Қонақтардың әкелген сыйлықтары – қуыршақтар, машиналар, жұмсақ ойыншықтар мекеме тәрбиеленушілері үшін күтпеген тарту болды. 

Бүгінгі шара – "Сұлулық қайырымдылық үшін" ұранымен "Қазақстан аруы-2016" байқауына дайындық шеңберіндегі алғашқы шара. Еске салсақ, 25 бойжеткен бақ сынайтын ұлттық байқау елордада 10 желтоқсанда өтеді. Оған алғаш рет "Instagram" арулары қатысады.  

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу