Үкімет отырысында ұлттық экономика министрі Руслан Дәленов мемлекеттік-жекеменшік әріптестік аясында жүзеге асырылған жобалардың басым бөлігі білім беру және денсаулық сақтау салаларын қамтып жатқанын жариялады.
"1 қазандағы жағдай бойынша мемлекеттік-жекеменшік әріптестік негізінде 1253 жоба іске асты. Бұған 3,5 трлн теңге жұмсалды. Бүгінге дейін 1,6 трлн теңгеге 615 шарт жасалды. 638 жоба пысықталып жатыр. Оған 1,9 трлн теңге жұмсалуы мүмкін", – деді Руслан Дәленов.
Министрдің мәлімдеуінше, жобалардың басым бөлігі білім беру және денсаулық сақтау салаларына тиесілі болған. Бұдан кейінгі орындарды мәдениет, спорт, энергетика және тұрғын үй-коммуналдық салалары иеленген.
Руслан Дәленовтің сөзінше, мемлекеттік-жекеменшік әріптестіктің буынын бекіту үшін барлық рәсімдерді электронды форматқа ауыстыру қажет. Бұл үшін алдағы уақытта тендерлік рәсімдер, қорытынды шығару, тіркеу, шартты орындау сынды жұмыстар цифрландырылады.
Қанат Махамбет
