Синоптиктер алдағы күндері оңтүстік облыстарда күн күрт суытатынын хабарлады, деп жазады inbusiness.kz сайты.
Синоптиктер түнгі уақытта ауа температурасы минус көрсеткіштерге дейін төмендеп, кейбір аудандарда жаңбыр қарға ұласатынын айтты.
"Алдағы күндері суық антициклон Қазақстан аумағы арқылы жылжуын жалғастырып, енді ауа райының нашарлауы оңтүстік өңірлерде де күтіледі", – делінген хабарламада.
1 қазанда Жамбыл, Алматы, Жетісу облысында, ал 2 қазанға қараған түні Түркістан облысында қар аралас жауын болжанып отыр.
Сондай-ақ 1 қазан күні күндіз ауа температурасы +5-10 градусқа дейін төмендеп, 2 қазанға қараған түні 1-3 градустық үсік жүруі мүмкін.
Бұған дейін Қостанай облысында қар жауып, 9 автокөлік республикалық жолдың бойында жиекке шыққанын жазған едік.
