1 қыркүйекте Қарағанды облысында жаппай егін жинау басталады

726

Дәнді дақылдарды жаппай жинауды 1-25 қыркүйек аралығында өткізу жоспарлануда.

1 қыркүйекте Қарағанды облысында жаппай егін жинау басталады

Қарағанды облысында кейбір өсімдік шаруашылықтары астық, картоп және көкөніс жинауға кірісті. Жаппай науқан 1 қыркүйекте басталады, деп хабарлайды inbusiness.kz.

Күзгі дала жұмыстарына дайындық туралы аппараттық кеңесте ауыл шаруашылығы басқармасының басшысы Асқар Санаубаров баяндады.

Оның айтуынша, жем дайындау аяқталуда. Қазірдің өзінде қажетті шөп қорының 90%-ға жуығы бар.

Сонымен қатар пішендеме дайындалды.

– Биыл дәнді дақылдарды жинау алаңы 920 мың га, майлы дақылдар – 58,4 мың га, картоп – 11 507 га және көкөністер – 1 436 га құрайды, астықтың орташа өнімділігі 8,6 ц/га деңгейінде күтілуде, барлық қажетті техника дайын, – деп хабарлады Асқар Санаубаров.

Өсімдік өсірушілерге тыңайтқыштардың, тұқымдардың, пестицидтердің құнын, суармалы суды жеткізу шығындарын өтеуге 4,8 млрд теңге субсидия төленді. Ауыл шаруашылығы кәсіпорындары Аграрлық несие корпорациясы арқылы қаржылай көмек алды. Арзандатылған бағамен дизель отыны бөлінді.

Дәнді дақылдарды жаппай жинауды 1-25 қыркүйек аралығында өткізу жоспарлануда.

Картопты жинау 30 қыркүйекке дейін аяқталуы тиіс.

Облыс әкімі Жеңіс Қасымбек азық-түлік қауіпсіздігін қамтамасыз ету үшін тұрақтандыру қорына картоп пен көкөністерді уақытылы жинау және отырғызу жөнінде тапсырма берді.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу