Оның сөзінше, Алматы облыстық полиция департаменті оларға тергеудің аяқталғаны жөнінде ресми хабарлама жолдаған, деп хабарлайды inbusiness.kz сайты.
Алматы облысы, Талғар ауданындағы Қызылқайрат ауылында 2025 жылдың 6 қыркүйегінде жантүршігерлік қылмыс болған еді. Онда бейтаныс адам ер кісіні мылтықпен атып, кішкентай қызды алып қашқан-ды.
Қазіргі уақытта адвокат әріптесі Асылбек Әбдірайымовпен бірге іс материалдарымен танысып жатқанын мәлімдеді.
Істің негізгі күдіктісіне Қылмыстық кодекстің 11 бабы бойынша айып тағылып отыр.
Олар:
* 99-бап, 2-бөлік, 7-тармақ – адамдар тобы болып кісі өлтіру;
* 125-бап, 3-бөлік, 2-1-тармақ – кәмелетке толмағанды қатыстыру арқылы адам ұрлау;
* 120-бап, 1-бөлік – зорлау;
* 121-бап, 1-бөлік – сексуалдық сипаттағы күш қолдану әрекеттері;
* 190-бап, 3-бөлік, 4-тармақ – адамдар тобы болып алаяқтық жасау;
* 147-бап, 5-бөлік – заңсыз бас бостандығынан айыру;
* 149-бап, 2-бөлік – тұрғын үйге заңсыз кіру;
* 115-бап – адам өлтіремін деп қорқыту;
* 287-бап, 3-бөлік және 288-бап, 1-бөлік – қаруды заңсыз жасау және сақтау;
* 200-бап, 1-бөлік – бөтен көлікті ұрлау мақсатсыз заңсыз пайдалану;
* 132-бап, 4-бөлік – кәмелетке толмағанды қылмыс жасауға тарту.
Іс бойынша барлығы үш күдікті бар, оның екеуі – кәмелетке толмағандар. Олар "адамдар тобы болып кісі өлтіру" және "кәмелетке толмағанды қатыстыру арқылы адам ұрлау" баптары бойынша жауапқа тартылуда.
