2019 жылғы 5 қыркүйектен бастап тәулік бойғы режимде борыш жүктемесін азайту мәселелері бойынша жұмыс істеген орталыққа 58,5 мыңнан астам консультация берілді, деп хабарлайды еңбек және халықты әлеуметтік қорғау министрлігінің баспасөз қызметі.
"111" cаll-орталығына қоңыраулар еліміздің барлық өңірлерінен келіп түсуде. Күніне орта есеппен 10 мыңға жуық қоңыраулар қабылданады, олардың 5 мыңға жуығы борыш жүктемесін азайтуға арналған. "111" желісіне жүктеменің көбеюіне байланысты, осы акцияның әлеуметтік маңыздылығын ескере отырып, call-орталық басшылығы қосымша ресурстарды тарта бастады. Соңғы күндері желіде 50-ден 60-қа дейін оператор жұмыс істеуде", – деді "111" cаll-орталығының жетекшісі Аяш Макенова.
Call-орталығы қызметкерлерінің айтуынша, азаматтар борыш жүктемесін азайту бойынша бағдарламаға қатысушылардың тізімінде олардың болмауына, кредиттің жалпы сомасынан есептен шығару сомасын нақтылауға қатысты сұрақтар жиі қойылады.
