Бұл туралы облыс әкімі Құмар Ақсақалов айтты, деп жазады inbusiness.kz сайты.
Көшпелі брифингте өңірдің әлеуметтік-экономикалық дамуы туралы сөз еткен әкім "Үйге су" жобасының артықшылығына тоқталып өтті. Әкімнің сөзінше, аталған жұмыстар аясында облыста 2 жыл ішінде 55 мың үй суға қосылған.
– Биыл сумен қамту және жабдықтау бағытында жалпы құны 20 млрд теңгеге 77 жоба қолға алынды. Соның нәтижесінде, 15 ауыл алғаш рет орталық сумен жабдықтауға қосылады, 41 ауылда кешенді блок-модульдер мен су тарату бекеттері орнатылады, сонымен қатар 4 ауыл мен 4 қалада сумен қамту деңгейі жақсарады.
Ауыл тұрғындарын сумен қамту көрсеткіштері жыл қорытындысы бойынша 90%-ға өседі. Облыс бойынша су желілердің тозуы 46,1%-дан 34,9%-ға төмендейді, – деді ол.
Бұған дейін Қостанай облысында 2 "Жайлы мектептің" пайдалануға берілгенін хабарлаған едік.
