2023 жылғы 1 тоқсанда шоғырландырылған бюджет салық түсімдері бойынша 5 667,3 млрд. теңге. Өткен жылғы кезеңімен салыстырғанда 21,4% немесе 998,0 млрд. теңгеге өсті, деп хабарлайды inbusiness.kz
- Республикалық бюджетке 3 176,7 млрд. теңге түсті, өткен жылғы ұқсас кезеңімен салыстырғанда 23,2% немесе 599,1 млрд. теңгеге өсті.
- Жергілікті бюджетке 1 293,6 млрд. теңге түсті, 2022 жылғы ұқсас кезеңімен салыстырғанда 24,2% немесе 252,0 млрд. теңгеге өсті.
- Ұлттық қорға 1 197,1 млрд. теңге түсті, 2022 жылғы ұқсас кезеңімен салыстырғанда 14,0% немесе 146,9 млрд. теңгеге өсті.
2022 жылдың ұқсас кезеңімен салыстырғанда республикалық бюджетке түсімдердің үшінші елдерден импортқа ҚҚС бойынша 2 есе, ішкі өндіріс тауарларына ҚҚС 21,2%-ға, корпоративті табыс салығы 20,7%-ға және ЕАЭО елдерінен импортқа ҚҚС 2,0%-ға өсуі байқалады.
Түсімдердің өсуіне келесі факторлар әсер етті.
2023 жылы 1 тоқсанда былтырғы жылдың ұқсас кезеңімен салыстырғанда алтынға 0,8% бағаның өсуі байқалады.
Үшінші елдермен тауар айналымы 2023 жылғы 1 тоқсанда 13,9%-ға өсті. Сондай-ақ ЭШФ тауар айналымы 8,8 трлн.тенгеге немесе 27,7% өсті.
