Алматы қаласы полиция департаментінің есірткі қылмысына қарсы іс-қимыл басқармасының қызметкерлері заңсыз есірткі айналымына қатысы бар кезекті күдікті ұсталды, хабарлайды inbusiness.kz сайты.
Жеке тінту кезінде одан 25 орама тәркіленді. Сот-химиялық сараптама қорытындысына сәйкес, алынған зат синтетикалық есірткі мефедрон екені анықталды.
Тергеу барысында күдіктінің есірткіні жасырын жолмен таратумен айналысқаны анықталды. Оның айтуынша, заңсыз іске интернет арқылы тартылған, ал "қызметі" үшін ақы онлайн-аударымдар арқылы төленіп отырған.
Аталған дерек бойынша қылмыстық іс қозғалып, күдікті уақытша ұстау изоляторына қамалды.
Қазіргі уақытта полицейлер қылмыстық тізбектің ұйымдастырушыларын және өзге де қатысы бар тұлғаларды анықтауға кірісті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
