32 медициналық жедел жәрдем көлігі табысталды

2104

Түркістан облысының әкімі Өмірзақ Шөкеев аудандық және қалалық ауруханалар мен емханаларға 32 медициналық жедел жәрдем көлігінің кілтін табыстады.

32 медициналық жедел жәрдем көлігі табысталды

Жаңа автокөліктер науқасқа алғашқы көмек көрсетуге арналған қажетті құралмен толық қамтамасыз етілген, деп хабарлайды әкімнің баспасөз қызметі. 

"Біздің ең басты байлығымыз – халықтың денсаулығы. Бұл тұста, медицинаның ең маңызды бағыты – жедел жәрдем көрсету саласы екені белгілі.  Облыстағы медицина саласын дамыту - басты назарда. Бұл ретте осы саланы заманауи, толық жабдықталған арнайы жедел жәрдем көліктерімен қамтамасыз ету ісін әлі де жалғастырамыз. Мұндай көліктермен алдағы уақытта барлық аудандарды толық қамтамасыз ететін боламыз. Бұл мүмкіндік - тұрғындардың өмір сүру ұзақтығының өсуіне және медициналық технологиялардың дамуына алғашқы медициналық-санитариялық көмекті дамыту бағытына өз септігін тигизеді деген сенімдеміз", - деді Өмірзақ Шөкеев кілтті табыстау салтанатында.

Келесі жылы республикалық бюджет қаражаты есебінен қосымша 60 санитарлық автокөлікпен жабдықтау жоспарланып отыр.

Қазіргі таңда, Кентау, Жетісай, Мақтаарал, Сайрам ауданы мен Түркістан қаласында жалпы 8 денсаулық сақтау нысанының құрылысы жүргізілуде екен. Одан бөлек, шалғай елдімекендерде 19 модульдік медициналық бекеті ашылмақ.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу