Абай облысы Жетіжар ауылындағы төтенше жағдай режимі алынып тасталды, деп жазады inbusiness.kz.
Ақпаратқа сәйкес, науқаста сібір жарасы анықталмаған.
“Аудан әкімінің 2023 жылғы 25 қыркүйектегі шешіміне сәйкес, залалсыздандару жұмыстарының аяқталуына байланысты Жетіжар ауылында төтенше жағдай режимі алынып тасталды. Бесқарағай ауданы, Жетіжар ауылының тұрғынына жүргізілген ПТР және қан мен жара сынамасының нәтижесінде ауру белгілері анықталған жоқ. Медициналық диагноз: сол жақ бетінің стафилококково-стрептококковты карбункул”, - делінген хабарламада.
Бүгінде Жетіжар ауылының тұрғыны ем қабылдап жатыр. Дәрігерлер оның жағдайын тұрақты деп бағалап отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
