Абай облысының тұрғыны балаларына 6 млн теңге қарыз. Алиментті дер кезінде төлемеген әкені полицейлер ұстады, деп хабарлайды inbusiness.kz тілшісі Polisia.kz-ке сілтеме жасап.
Сот орындаушысының айтуынша, бұл шешім басқа борышкерлер үшін сабақ болуы керек.
Ер адам алты жыл бойы екі баласын асырауға алимент төлеуден жалтарған. Ер адамның балаларына төлемеген қарызы 6 205 245 млн теңгеге жетті.
"20 наурызда ҚР ҚК 139-бабы бойынша Абай облысының кәмелетке толмағандар ісі жөніндегі мамандандырылған ауданаралық сотының үкімімен әке кінәлі деп танылып, пробациялық бақылау белгіленді. 1 жылға бас бостандығын шектеу үкімі шығарылды. ҚР ҚК 44-бабының 1-бөлігі негізінде жылына 100 сағатқа мәжбүрлі еңбекке тартылады", - делінген хабарламада.
Маскүнемдік пен жұмыссыз өмір салты үшін ол сот залынан өтелмеген жазасы үшін қамауға алынды.
