Абай облысында Жетіжар ауылының тұрғынында сібір жарасы ауруы расталмады, деп хабарлады облыс әкімдігінің баспасөз қызметі.
"Сібір жарасы анықталған жоқ: нәтижесі теріс. Қазіргі уақытта Бесқарағай ауданы Жетіжар ауылының тұрғыны ем қабылдауын жалғастыруда. Науқастың жағдайы жақсарып келеді, дене қызуы қалыпты", - деп жазылған хабарламада.
Әкімдіктегілер ауылдағы барлық малға күнделікті клиникалық тексеру жүргізіліп жатқанын атап өтті.
"Қазіргі уақытта індетке шалдыққан мал басы анықталған жоқ", - деп жазылған хабарламада.
20 қыркүйекте Жетіжар ауылында сібір жарасы бойынша төтенше жағдай жарияланды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
