Салдарынан 2 бала оқиға орнында, тағы 1 бала ауруханаға барар жолда қайтыс болды. Олар 2017, 2022 және 2023 жылы туған балалар еді.
Қалған 7-9 жас аралығындағы 3 бала түрлі жарақаттармен ауруханаға жеткізілді.
Президент тапсырмасымен шұғыл медициналық көмек көрсету үшін өңірге әскери ұшақ жіберілді.
Санитариялық авиация ұшағымен 2 бала (жағдайлары – ауыр, бірақ тұрақты) емдеуге Астанаға әкелінетін болды. Тағы 1 баланың жағдайы өте ауыр және тұрақсыз болғандықтан Абай облысында бақылаумен қалдырылады.
Полиция жол апатына байланысты қылмыстық іс қозғап, жүргізуші 2 айға уақытша ұстау изоляторына қамалды.
Белгілі болғандай, қайтыс болған 3 баланың екеуі ата-әжесіне қонаққа келген екен, біреуі Үржар ауданының тұрғыны болған.
Абай облысының әкімі Берік Уәли қаза болған балалардың отбасына моральдық және материалдық көмек көрсетуді тапсырды.
