Алматыда заңгер әрі блогер Әділетхан Молдаханға қатысты тергеу жалғасып жатыр, деп жазады inbusiness.kz сайты.
Қазіргі уақытта іс бойынша барлық мән-жайды толық әрі объективті анықтауға бағытталған тергеу әрекеттері жүргізілуде. Полиция жалған ақпарат тарату заң бойынша жауапкершілікке әкелетінін ескертті.
Еске салайық, бұған дейін Алматыда 1 миллионнан астам оқырманы бар блогердің ұсталғаны хабарланған еді. Оған қатысты көрінеу жалған ақпарат тарату фактісі бойынша сотқа дейінгі тергеп-тексеру басталған.
Әділетхан Молдахан әлеуметтік желілерде құқықтық тақырыптағы бейнероликтерімен танымал. Оның ішінде Әл-Фараби даңғылында болған жол-көлік оқиғасына қатысты жариялаған видеосы кеңінен тараған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
