Елдегі екі бірдей әуе компаниясының үстінен монополияға қарсы заңнаманы бұзу бойынша тексеру басталды. Мұндай шараға Ұлттық экономика министрлігі азаматтық авиация комитеті түсірген шағым негізінде бастамашы болып отыр.
Тексеру Кәсіпкерлік кодексінің 174-бабының 1 тармағы, яғни, "Әуе билеттеріне жоғары баға белгілеу үшін нарықтағы монополиялық жағдайды теріс пайдалану" дерегі бойынша жүргізілуде.
Тексеру нәтижесінде азаматтық авиация комитеті түсірген шағымның қаншалықты негізді екеніне баға берілмек.
Finprom.kz сайтының ақпаратына қарағанда, жыл басынан бері 5,6 млн адам әуе арқылы қатынаған. Оның 34 пайызы Air Astana компаниясына, 8 пайызы Scat компаниясына тиесілі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
