Ресей 2037 жылы Халықаралық Айды зерттеу станциясына 24 сағаттық алғашқы ғылыми обсерваторияны апаруды жоспарлап отыр, деп хабарлайды inbusiness.kz сайты.
Бұл туралы орталық машина жасау ғылыми-зерттеу институтының іргелі және қолданбалы ғылыми зерттеулердің ғарыш жүйелері бөлімінің меңгерушісі Константин Райкунов сөз етті.
– Қазіргі уақытта біздің Ай электр станциясының алғашқы ресми тұтынушысы ғарыштық обсерватория әзірленіп жатыр. Оның жаңа қолданбалы сапасы 5G Wi-Fi аналогын орналастыру жоспарланған. Бұл үлкен аумақта автоматты зерттеу станцияларын орналастыруға және олардан ақпарат жинауға мүмкіндік береді, – деді ол.
MLNS – Айда тәжірибелік-зерттеу қондырғыларының кешенін құруға арналған ресейлік-қытайлық жоба.
Оған мыналар кіреді:
– Жер мен Ай арасындағы тасымалдау жүйесі;
– Ай бетінде ұзақ уақыт жұмыс істеуге арналған қолдау жүйесі;
– Ай бетімен қозғалу және операцияларды орындау жүйесі;
– Автоматтандырылған ғылыми жүйелер;
– Жердегі қолдау және қолданбалы бағдарламалық қамтамасыз ету жүйелері және басқа ішкі жүйелер.
Жобаның негізгі мақсаты – Айды және оның бейбіт мақсатта қолданылуын зерттеу.
К.Райкуновтың сөзінше, ақпараттар Wi-Fi арқылы Айдың ғылыми обсерваториясына жіберіледі, онда ол сақтау құралдарына жазылады және жеткілікті қуатты борттық релелік кешеннің көмегімен Ғылым академиясы үшін Жерге жіберілмек. Жалпы алғанда, бұл жүзеге асатын болса, ғылым саласы үшін айтарлықтай жаңалық саналмақ.
