Ақмола облысында теміржол бойына төгілген күкірт жанып, өрт шықты. Оқиға Степногорск қаласына қарасты Ақсу кентінің маңында болған, деп хабарлайды inbusiness.kz сайты.
Облыстық Төтенше жағдайлар департаментінің мәліметінше, өрт 1 шаршы метр аумақта сөндірілді. Жүк вагоны құрамнан ажыратылып, қауіпсіз жерге әкетілді. Күкірт төгілген аумақ инертті материалмен өңделді.
Оқиға салдарынан ешкім зардап шеккен жоқ. Тұрғындарға да қауіп төніп тұрған жоқ.
Қазір оқиға орнында төтенше жағдайлар қызметінің кезекшілігі ұйымдастырылып, уәкілетті органдар қажетті жұмыстарды жүргізіп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
