Президенттің іс басқармасының мәліметінше, биыл жазда аталған резиденцияның шатыры жоспарлы жөндеуден өтуде.
"Жұмыстар мамырда басталып, қыркүйекте аяқталады. Жаз бойы тарихи ғимараттың эстетикалық келбетін бұзбау үшін нысанның сыртына құрылыс сатылары орнатылмай, оның орнына неғұрлым жұмсақ технология таңдалды. Жұмысшылар мен қажет материалдарды шатырға кедергісіз көтеру үшін жағалау жағындағы қабырғаның декоративті ернеуі алынып, құрылыс платформасы орнатылды", - деп жазылған хабарламада.
Жөндеу жұмыстары аяқталған соң декоративті элемент өз орнына қайта бекітіледі. Қазір ернеу сақтау қоймасында тұр.
Айта кетейік, "Ақорда" резиденциясы 17 жыл бұрын салынған. Оның ресми ашылуы 2004 жылдың 24 желтоқсанында өткен еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
