Құрама Штаттар саяси баспана іздеуші шетелдік азаматтарды қабылдауды іс жүзінде толығымен тоқтатып жатыр, деп жазады inbusiness.kz сайты The Washington Post-қа сілтеме жасап.
– Осылайша Американың есіктері баспана іздеушілер үшін толығымен жабық. Егер баспана сұрасаңыз, сізді қабылдайтын әлемдегі басқа ел табатынымыз туралы уағдаластық жасадық, – деп атап өтті америкалық көшбасшының кеңесшісі.
Миллер бұны өте қарапайым, өте талғампаз және толық шешім деп санайды. Бұл ретте ол АҚШ-тың Мексикамен шекарасында қатаң бақылау күшейтуді тағы жақтады.
– Оңтүстік-батыс шекарада [АҚШ-тың] барлық баспана сұрау туралы өтініштер жалған, – деп мәлімдеді Ақ үй қызметкерлері аппараты басшысының орынбасары.
Сондай-ақ АҚШ-та уақытша қорғалатын тұлғалар мәртебесі бар Гаити азаматтарын мүмкіндігінше тезірек отанына оралуға шақырды.
Бұған дейін сол АҚШ Жоғарғы Соты америкалық әкімшіліктің пайдасына шешім шығарып, оған елде заңды негізсіз жүрген Сирия мен Гаити азаматтарына Уақытша қорғалатын тұлғалар мәртебесін беруді тоқтатуға рұқсат берді. Жоғарғы инстанциялы соттың бұл шешімі АҚШ үкіметіне осындай жүздеген мың адамды депортациялауға мүмкіндік береді.
