АҚШ-та теміржолшылар жалақысы бес жыл бойы 25%-ға өсетін болады

214

АҚШ Сенаты теміржолшылардың ереуілін болдырмауға бағытталған қарарды қолдады. Аталмыш құжатқа 80 сенатор "оң" дауыс берсе, 15-і "қарсы" болды. 

АҚШ-та теміржолшылар жалақысы бес жыл бойы 25%-ға өсетін болады Фото: media.az

Қарар теміржол компаниялары мен жұмысшыларын қыркүйек айында сала операторлары мен кәсіподақ жетекшілері арасында жасалған келісімді орындауға міндеттейді, деп хабарлайды Inbusiness.kz американдық БАҚ-қа сілтеме жасап.

Келісім жұмысшыларға бес жыл бойы жалақының 24%-ға өсуін қамтамасыз етеді және дәрігерге бару үшін демалыс алуға мүмкіндік береді.

Өкілдер палатасында бұған дейін қарарды 290 "қолдап" және 137 "қарсы" дауыс берді.

Дүйсенбіде Байден АҚШ конгресін теміржол қызметкерлері мен сала операторлары арасындағы келісімді ұлттық теміржол ереуілінің алдын алу үшін өзгеріссіз қабылдауға шақырды. Енді құжатқа АҚШ президенті Джо Байден қол қойса болғаны. 

 

 

Telegram
ПОДПИСЫВАЙТЕСЬ НА НАС В TELEGRAM Узнавайте о новостях первыми
Подписаться