АҚШ-тың солтүстік-шығысында қарлы боран салдарынан 400-ден астам рейс тоқтатылды, деп хабарлайды inbusiness.kz.
28 ақпанда АҚШ уақыты бойынша Ла-Гуардия әуежайында 84 рейс, Джон Кеннеди халықаралық әуежайында 40-қа жуық және Логан халықаралық әуежайында 30-дан астам рейс тоқтатылды. Сонымен қатар, 500-ден астам рейс уақыты кейінге шегерілді.
Қарлы боран Коннектикут, Нью-Йорк, Массачусетс, Нью-Джерси және Род-Айленд штаттарының бірқатар аудандарында болды.
Массачусетс штатында ауа райының қолайсыздығына байланысты мектептерде сабақтар тоқтатылды. Сондай-ақ мемлекет электр қуатының сөнуі мүмкін екенін ескертті.
Жергілікті ауа райы қызметінің болжамы бойынша, Бостонда жауын-шашын деңгейі 13 см, Массачусетс, Вермонт және Коннектикуттың батысында 25 см-ге дейін жетуі мүмкін.
