Lada.kz басылымының жазуынша, Ақтауда мектепке дейінгі балалар мекемесінің маңында автокөлік түгі қалмай жанып кеткен, деп хабарлайды inbusiness.kz сайты.
Оқиға туралы ақпарат 1 қазан күні сағат 08:56-да 15-шағын ауданда орналасқан №58 мектепке дейінгі балалар ұйымының маңындағы көліктің өртенгені жөнінде өрт сөндіру қызметінің кезекшісіне хабарлама түскен.
Оқиға орнына жеке құрамнан 10 адам жіберілген. Құтқарушылар жеткен кезде Volkswagen Passat автокөлігінің өртеніп жатқаны анықталған.
Көліктің ішінде көлемі 60 литр газ баллоны болған. Өрт жедел әрі толық сөндірілген.
Зардап шеккендер жоқ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
