Ақтау қаласында патрульдік полиция көлігі жеңіл автомобильмен соқтығысты, деп хабарлайды inbusiness.kz.
Маңғыстау облысы полиция департаменті баспасөз қызметінің мәліметінше, 30 сәуірде түнгі сағат 02.30-да Ақтаудағы 5 және 8 шағын аудандарының қиылысында патрульдік полиция көлігі мен Hyundai Accent автомобилі соқтығысқан.
"Салдарынан 2 адам зардап шекті. Олар облыстық ауруханаға жеткізілді. Медициналық көмек көрсетілгеннен кейін бір адам үйіне жіберілді, екіншісі ауруханаға жатқызылды", – деп жазылған хабарламада.
Бүгінде бұл факт бойынша Қылмыстық кодекстің 345-бабына сәйкес сотқа дейінгі тергеу амалдары басталған. Автотехникалық сараптама тағайындалған. Басқа ақпарат тергеу мүддесіне сай жарияланбайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
