Ақтөбе облыстық полиция департаментінің баспасөз қызметі уәкілетті қызметтер оқиға орнына барғанын мәлім етті, деп хабарлайды inbusiness.kz сайты.
Қазіргі уақытта тексеру жұмыстары жүріп жатыр. Дрон сынығы шамамен 8:30-да анықталған.
– Қарғалы ауданында ұшқышсыз ұшу аппаратының сынықтарына ұқсас заттардың табылуы дерегі бойынша тексеру жұмыстарын жүргізіп жатыр. Аталған нысан елді мекеннен тыс аумақта анықталған. Оқиғаның барлық мән-жайы тексеріледі, – деп хабарлады облыстық ПД баспасөз қызметі.
Жаза кеткен жөн, бұл ұшқышсыз ұшу аппаратына қатысты алғашқы дерек емес. Осыған дейін де Батыс Қазақстан облысында 2 мәрте дрон құлағанын жаздық.
Соның бірінде тұрғындар дрон сынықтарының Қарауылтөбе ауылы маңынан табылғанын айтты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
