Баланың денесін сүңгуірлер 2 метр тереңдіктен алып шықты, деп жазады inbusiness.kz сайты.
Ақтөбе қаласындағы Елек өзені бойында орналасқан демалыс орындарының бірінде қайғылы жағдай тіркелді. Кеше сағат 19:10-да 112 қызметіне қоңырау шалып, көмек сұрағандар 4 жасар баланың суға батып кеткенін хабарлаған.
– Жедел құтқару жасағының сүңгуірлер тобы баланың денесін сағат 19:40-та алып шықты. Бала жағадан 5 метр қашықтықтан, 2 метр тереңдіктен табылды, – деді Ақтөбе қаласының ТЖБ қызметкері Амангелді Бекзат.
Былтыр Ақтөбеде 13 адам суға батып кетті. Оның 9-ы кәмелеттік жасқа толмағандар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
