Ақтөбеде екі жасөспірім қалалық саябақтағы аркаға маркермен жазу жазып, қала мүлкін бүлдірген, деп хабарлайды inbusiness.kz сайты.
Олардың ата-аналары әкімшілік жауапкершілікке тартылды.
Оқиға 8 қарашада Орталық саябақтағы Достық аллеясында болған. Жедел басқару орталығының бейнебақылау камералары екі жасөспірімнің аркаға жазу қалдырғанын тіркеген.
Полиция қызметкерлері құқық бұзған жасөспірімдерді анықтап, бөлімге жеткізді. Олардың ата-аналарына қатысты әкімшілік шара қолданылды. Сонымен қатар кәмелетке толмағандармен профилактикалық әңгіме жүргізілді.
Полиция қала мүлкін бүлдіру заңда белгіленген жауапкершілікке әкеп соғатынын ескертті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
