Ақтөбе облысында өзенге батып кеткен оқушы төрт күннен бері табылмай жатыр, деп хабарлайды inbusiness.kz сайты.
Мектеп оқушысы 5 маусым күні суға кеткен. Оқиға Ырғыз ауданы Мамыр ауылында болған.
Облыстық ТЖД дерегінше, 2009 жылы туған жасөспірімді іздестіру жұмыстарына арнайы жасақталған іздестіру-құтқару топтары жұмылдырылды.
"Қатты жел өзен ағысын күшейтіп тұр. Су түбі лай, көрінбейді. Бұл – үлкен кедергі. Барлығы 42 адам, олардың ішінде 12-сі төтенше жағдайлар қызметкері жүр. Әкімдіктен 5, полициядан 5 қызметкер барды. Бұдан басқа еріктілер бар. Су астындағы жағдайды бақылауға мүмкіндік беретін су асты дроны да іске қосылған", - делінген хабарламада.
Оқиға орнына бүгін қосымша күш аттанды. Сүңгуірлер мен кинологтар да жұмыс істеп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
