Ақтөбе қаласы, Алматы ауданы, Ақтан Кереұлы көшесінде орналасқан жеке тұрғын үй аумағындағы шаруашылық құрылыста өрт шықты, деп жазады inbusiness.kz сайты.
Өртті сөндіру барысында өрт сөндірушілер ықтимал ауыр салдардың алдын алу үшін үйлесімді және жедел жұмыс жүргізді. Жақын маңда орналасқан металл контейнерден көлемі 30 және 60 литрлік 10 газ баллоны шығарылды.
Құтқарушылардың кәсіби әрекеттері өртті толық сөндіруге мүмкіндік берді. Зардап шеккендер жоқ. Өрттің шығу себептері анықталып жатыр.
Төтенше жағдайлар министрлігі өрт қауіпсіздігі ережелерін сақтау және шаруашылық құрылыстар мен газ жабдықтарының жағдайын уақтылы бақылап отыру қажеттігін ескертеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
