2022 жылғы 1 қарашадағы жағдай бойынша көрсеткіш 42,4 трлн теңгені құрады.
Қаржы нарығын реттеу және дамыту агенттігінің дерегінше, 2022 жылғы қазандағы активтердің өсуі несие портфелінің 1,8%-ға немесе 410 млрд теңгеге ұлғаюы нәтижесінде болды.
Өтімділігі жоғары активтер 13,0 трлн теңгені немесе активтердің 30,8%-ын құрады, бұл банктерге клиенттер алдындағы өз міндеттемелеріне толық жүзеге асыруға мүмкіндік береді.
Экономикаға кредиттер 2022 жылғы қазанда 1,8%-ға өсіп, 21,5 трлн теңгені құрады (жыл басынан бері өсім – 16,1% немесе 3,0 трлн теңге).
Ұлттық валютадағы кредиттер 2022 жылғы қазанда 2,0%-ға 19,7 трлн теңгеге дейін ұлғайды, шетел валютасындағы кредиттер 0,7%-ға 1,8 трлн теңгеге дейін төмендеді.
Заңды тұлғаларға кредиттер 2022 жылғы қазанда 0,8%-ға ұлғайып, 8,1 трлн теңгені құрады. Бұл ретте ағымдағы жылдың басынан бері осы көрсеткіштің өсуі 4,4%-ды құрады (2021 жылғы осындай кезеңде – 2,4%-ға өсті).
Еске сала кетсек, 2022 жылғы 1 қарашадағы жағдай бойынша Қазақстан Республикасының банк секторын 21 екінші деңгейдегі банк құрайды, оның ішінде 12-і шетел қатысатын банк, оның ішінде 9 еншілес банк.
