Жазғы маусым басталып Алакөл көлі мен Каспий теңізі жағалауында азаматтардың қауіпсіздігін қамтамасыз ету бойынша күшейтілген шаралар қабылданды, деп жазады inbusiness.kz сайты.
Кәсіби құтқарушылар мен қоғамдық құтқарушы-нұсқаушылар кезекшілік атқарады.
Барлық құтқарушы, соның ішінде қоғамдық нұсқаушылар да қажетті құтқару жабдықтарымен толық қамтамасыз етілген: құтқару шеңберлері, Александров ұштары, құтқару кеудешелері, дүрбілер және дауыс зорайтқыштар бар.
Алакөлде төтенше жағдай туындаса жедел-құтқару жасағының мамандандырылған бөлімшесі жұмылдырылады. 4 жүзу құралы, оның ішінде "Марлин" катері және акваторияның кез келген учаскесіне жедел жетуге мүмкіндік береді.
Ал, Каспий теңізінің жағалауында мобильді бекеттер іске қосылды. Барлық қажетті заттармен: құтқару шеңберлерімен, қайықтармен, байланыс құралдарымен және дәрі қобдишаларымен қамтамасыз етілген құтқару қызметтерінің қызметкерлері теңіз жағалауында кезекшілік етеді.
