Алакөл жағалауында тазалықты сақтау және қоғамдық тәртіпті қамтамасыз ету мақсатында рейд өткізілді, деп хабарлайды inbusiness.kz сайты.
Іс-шараны аудан әкімдігі учаскелік полиция инспекторларымен бірлесіп ұйымдастырды.
Рейд барысында демалушылар мен кәсіпкерлік нысандарының иелеріне жағалауды таза ұстау, белгіленген талаптарды сақтау және қоғамдық тәртіпке жауапкершілікпен қарау жөнінде түсіндіру жұмыстары жүргізілді.
Нәтижесінде абаттандыру қағидаларын бұзғаны үшін Қазақстан Республикасының Әкімшілік құқық бұзушылық туралы кодексінің 505-бабына сәйкес 11 әкімшілік хаттама рәсімделді.
Мұндай рейдтер Алакөл жағалауында тазалық пен тәртіпті сақтау мақсатында тұрақты түрде жалғасады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
