Боливия Израиль армиясының 7 қазандағы Хамас шабуылына жойқын шабуылдармен жауап беруіне байланысты Израильмен дипломатиялық қарым-қатынасын үзетінін хабарлады, деп жазды сәрсенбі күні EFE агенттігі.
Бұл туралы Боливия Сыртқы істер министрінің орынбасары Фредди Мамани Мачаки өз мәлімдемеде айтты.
"Үкімет Израильдің Газа секторындағы агрессивті және пропорционалды емес әскери шабуылын жоққа шығару және айыптау белгісі ретінде Израильмен дипломатиялық қарым-қатынасты үзу туралы шешім қабылдады", – деді Сыртқы істер министрінің орынбасары.
Боливия Палестина халқына қарсы шабуылдарды тоқтатуды талап етіп, Израильдің Газа секторына гуманитарлық көмектің кіруіне жол бермеу ниетін айыптады.
Чили президенті Габриэль Борич өз кезегінде Газа секторындағы жағдайды талқылау үшін Израильдегі Чили елшісі Хорхе Карвахалды қайтарып алғанын хабарлады.
Бұл туралы Борич әлеуметтік желідегі ресми парақшасында жазды.
"Израильдің Газа секторында жасаған халықаралық гуманитарлық заң бұзушылықтарын ескере отырып, біз Чилидің Израильдегі елшісі Хорхе Карвахалды кеңесуге шақыруды шештік", – деді спикер.
Бұндай қадамға Колумбия да барған.
