Дүниежүзілік денсаулық сақтау ұйымының (ДДСҰ) бас директоры Тедрос Аданом Гебрейесус әлемде коронавирустық инфекцияны жұқтырғандар саны күрт артқанын мәлім етті, деп хабарлайды inbusiness.kz.
Оның айтуынша, соңғы екі аптада COVID-19 дертіне шалдыққандар саны шамамен 30 пайызға өскен. Гебрейесус омикрон штамдарының таралуы індеттің күшеюіне себеп болып отырғанын және штамдардың жаңа түрлері пайда болып жатқанын айтты.
"Еуропа мен АҚШ-та тіркелген науқастардың басым бөлігі BA.4 және BA.5 жұқтырған", – деді ол.
ДДСҰ басшысы Үндістанда омикронның тағы бір түрі, яғни BA.2.75 анықталғанын жариялады. Қазір оған бақылау жүргізілуде.
Бұған дейін Дүниежүзілік денсаулық сақтау ұйымының (ДДСҰ) өкілі Мелита Вуйнович 2022 жылы COVID-19 індеті өршиді деп мәлімдеген болатын. Бірақ ол нақты қай уақытта пандемия күшейетінін айтпады.
Табиғат Нұрболат
