Алматы метросы 2021 жылғы қаңтар-маусымда 3,6 млн жолаушыға қызмет көрсетті, деп хабарлайды inbusiness.kz Metropolitan коммуналдық мемлекеттік кәсіпорнының баспасөз қызметіне сілтеме жасап.
2020 жылғы қаңтар-маусымда 3,8 млн жолаушы тасымалданды. Осылайша, өткен алты айда жолаушылар саны 5,3%-ға төмендеді.
"Алматы метрополитенінде жолаушылар санының төмендеуі Қазақстандағы санитарлық-эпидемиологиялық ахуалмен және Алматы тұрғындары арасында коронавирустық инфекцияның таралуын болдырмайтын шектеу шараларының енгізілуімен байланысты", – деп қосты ведомство.
Еске сала кетсек, Алматы метросының бірінші кезеңі 2011 жылдың 1 желтоқсанында, екіншісі - 2015 жылдың сәуірінде пайдалануға берілді.
11,34 шақырым жолда тоғыз станса бар: Райымбек, Жібек Жолы, Алмалы, Абай, Байқоңыр, Әуезов атындағы драма театр және Алатау, Мәскеу және Сайран.
Құралай Құдайберген
