Қазіргі таңда бірінші желіні ұзарту жұмыстары да жалғасып жатыр, деп жазады inbusiness.kz сайты.
Әзірге, бірінші желі 11 станциядан тұрады. Ол батысқа қарай "Қалқаман" және "Барлық" бағытына, ал шығысқа қарай "Алматы-1" вокзалына дейін ұзартылмақ. Жоба іске асса, желінің ұзындығы 29,2 шақырымға, станциялар саны 20-ға дейін жетеді.
"Біздің міндет – транспорттық хабтарды байланыстырып, сол жерлерден жолаушылар ағынын алып кету. Екінші, "көк" желі "Жібек жолы" станциясынан Алматы әуежайына дейін барады. Бұл бағыттың техникалық-экономикалық негіздемесі дайын, қазір әуежаймен станцияның орналасуы бойынша келіссөз жүріп жатыр. Үшінші, "жасыл" желі "Қазақфильм" ауданынан басталып, "Сайран" арқылы Алатау қаласына дейін созылады", – деді Асхат Садуов.
Ал, метро құрылысының баяулауына тоннель қазатын техниканың жетіспеуі себеп болып отыр.
Осыған байланысты жаңа желілердің құрылысын шетелдік мердігерлерді тарту мәселесі саралануда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
