Алматы облысында 7 жасар балаға жыныстық әрекеттер жасады деген күдікпен 44 жастағы ер адам ұсталды, деп хабарлайды inbusiness.kz.
"11 мамыр күні Еңбекшіқазақ ауданының полиция бөліміне Көктөбе-1 ауылының 57 жастағы тұрғыны арызбен келіп, 44 жастағы көршісіне шара қабылдауды сұраған. Шағымданушының немересінің айтуы бойынша, 2022 жылы ер адам өзіне жыныстық сипаттағы іс-әрекеттер жасаған", делінген Алматы облыстық Полиция департаменті баспасөз қызметінің хабарламасында.
Дерек ҚР Қылмыстық кодексінің 121-бабы 4-бөлігі бойынша аудандық полицияда тіркелді.
Аталған деректі тексеру шеңберінде бірқатар сот-медициналық сараптама тағайындалды. Тергеудің жан-жақтылығы, толықтығы мен объективтілігін қамтамасыз ету үшін тараптардың дәлелдері тексеріліп жатыр.
ҚР Қылмыстық-процессуалдық кодексінің 201-бабы шеңберіндегі өзге ақпарат жария етуге жатпайды.
