Алматы облысында кәсіпкерлерден 20 мың – 270 мың теңге көлемінде пара алып отырған мониторинг тобының мүшелері ұсталды, деп хабарлайды inbusiness.kz.
Сыбайлас жемқорлыққа қарсы іс-қимыл агенттігінің мәліметінше, Талдықорған қаласы кәсіпкерлік бөлімінің басшысы қарамағындағы маманмен келісіп, адам көп жиналатын іс-шараларды ұйымдастыруға және өткізуге тыйым салынғанына қарамастан мейрамхана өкілдерінен, саудагерлерден 20 мың – 270 мың теңге аралығында пара алып отырған. Осылайша, олар кәсіпкерлерді әкімшілік жауапкершіліктен босатқан.
Сондай-ақ пара берген мейрамханалардың 5 әкімшісі карантин кезінде іс-шара ұйымдастырғаны үшін қылмыстық жауапкершілікке тартылып жатыр.
"Лауазымды қызметкерлер уақытша ұстау изоляторына қамалды. Бұлтартпау шарасын таңдау туралы мәселе қаралып жатыр. Тергеу жалғасуда", - деп жазылған хабарламада.
