sauda.e-qazyna.kz деректеріне сәйкес, ең жоғары санаттағы спорткар 2016 жылы шығарылған және онлайн-казино ұйымдастыру ісі бойынша мемлекет кірісіне алынған, деп жазады inbusiness.kz сайты.
Жасыл түсті бұл көліктің 2025 жылғы қарашадағы нарықтық құны бағалаушылар есебінде 114 млн теңге деп көрсетілген.
Көліктің қозғалтқыш көлемі – 5,2 литр, беріліс қорабы – автомат, жанармай түрі – бензин. Құжаттамада автокөліктің техникалық паспорты мен мемлекеттік нөмірлері жоқ екені де көрсетілген.
Бастапқы бағасы 343 миллион теңгеден асқан көлік сатып алушы болмағандықтан, төмендету тәсілімен сатылған. Соның нәтижесінде баға кезең-кезеңімен азайып, ең төменгі деңгейге жақындаған кезде жаңа иесі табылды. Аукцион қорытындысы бойынша суперкар 66,5 млн теңгеге өтті.
Саудадан түскен қаражат толық көлемде мемлекеттік бюджетке жіберіледі.
