Бейнематериалдар автоматты түрде шұғыл әрекет ету орталықтарына жолданады, деп жазады inbusiness.kz сайты.
Полиция қызметкерлері жол жүру ережесін бұзғандарды енді заманауи бейнебақылау кешендері арқылы анықтайды.
"Жасырын патруль" көліктеріне ешбір танымдық белгі орнатылмайды және ол жылдамдықты арттыру, қарсы бағытқа шығу, қауіпсіздік белдігін тақпау сияқты заңсыздықтарды тіркейді.
"Бұл жаңашылдыққа адами фактор әсер ете алмайды. Сондықтан жол жүру ережесін бұзу оқиғалары объективті түрде бағаланады", – дейді полиция қызметкерлері.
– Жасырын патруль" дегеніміз жазалау емес. Ең біріншіден, алдын алу құралы. Оның басты мақсаты – жолда қауіпсіз мінез-құлық мәдениетін қалыптастыру. Барлық жол қозғалысына қатысушыларды патруль болсын және болмасын, жол ережелерін сақтауға шақырады. Себебі жолдағы қауіпсіздік ортақ жауапкершілік деп ойлаймын, – деп мәлімдеді Алматы облыстық ПД жергілікті полиция қызметі бастығының орынбасары Мұрат Қалиасқаров.
