"Қауіпсіз жол" жедел-профилактикалық іс-шарасы барысында Алматы облысында Toyota Camry көлігіне жалған мемлекеттік тіркеу нөмірін таққан 33 жастағы жүргізуші анықталды, деп хабарлайды inbusiness.kz сайты.
Құқық бұзушылық Батыс Еуропа – Батыс Қытай автожолы бойындағы бейнебақылау камералары арқылы тіркелген. Полиция заманауи бақылау жүйелерінің көмегімен жүргізушінің жеке басын анықтап, оны әкімшілік жауапкершілікке тартты.
Көлік арнайы айып тұрағына қойылды.
Полицияның мәліметінше, жыл басынан бері көлікке жалған немесе қолдан жасалған мемлекеттік тіркеу нөмірін орнатудың 23 дерегі анықталған.
Құқық қорғау органдары жол қозғалысына қатысушыларды заң талаптарын сақтауға шақырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
