Полиция департаментінің хабарлауынша, оқиға сағат 00:25 шамасында Рысқұлов даңғылында болған. Шығысқа қарай қозғалған Haval көлігінің жүргізушісі рөлге ие бола алмай, жанындағы Chery автокөлігіне соқтығысқан.
Соққыдан кейін Haval қарсы бағытқа шығып кетіп, батысқа қарай келе жатқан Audi мен Hongqi көліктерімен тағы қақтығысқан.
Апат салдарынан Haval жүргізушісі ауыр жарақат алып, қалалық ауруханаға жеткізілді. Сондай-ақ Audi жүргізушісі мен Hongqi көлігінің жолаушысы облыстық ауруханаға түсті.
Қазір оқиғаның барлық мән-жайын Жетісу аудандық полиция бөлімінің қызметкерлері анықтап жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
