Құрылыс нысандарына мониторинг жүргізу биыл 30 қыркүйектен басталған. Тексеру барысында қала аудандарындағы құрылыс және жөндеу жұмыстары кезінде экологиялық талаптар мен абаттандыру ережелерінің сақталуы бақылауға алынған, деп жазады inbusiness.kz сайты.
Көріктендіру ережесін бұзған 43 құрылыс компаниясына 5,7 млн теңге айыппұл салынды.
Ең көп заңбұзушылық тротуарларға брусчатка төсеу және бордюр орнату кезінде анықталды. Белгіленген талаптарды сақтамағаны үшін 33 компания жауапкершілікке тартылды. Бұл – жалпы заңбұзушылық анықталған компаниялардың 77 пайызы.
Сонымен қатар ғимараттардың қасбетін жөндеу кезінде талаптарды бұзған 5 ұйымға, кәріз және инженерлік желілерді тарту барысында 4 компанияға, ал арық желілерінде жұмыс жүргізу кезінде заңбұзушылыққа жол берген 1 компанияға айыппұл салынды.
