Соңғы тәулікте жергілікті полиция қызметі осындай 6 көлікті анықтап, ұстап үлгерді, деп жазады inbusiness.kz сайты.
Қалалық полиция департаментінің мәліметінше, айыппұл қарызы бойынша антирекорд орнатқан көлік – 5,5 миллион теңгеден астам берешегі бар Toyota маркалы автокөлік. Сонымен қатар, Toyota Alphard көлігіне де 1 миллион 86 мың теңге көлемінде айыппұл салынған.
– Жолдардағы тәртіп – жазаның бұлтартпас болуына тікелей байланысты. Айыппұлдарды елемеу немесе жүйелі түрде төлемеудің соңы – көліктің айыптұраққа қойылуымен аяқталатынын әр азамат түсінуі қажет. Біз алдын алу шараларын формалды түрде емес, нақты заң талаптарына сай жүргізіп келеміз, – деді Алматы қалалық ПД Жергілікті полиция қызметі басқармасы бастығының орынбасары Тимур Ноғайбаев.
Барлық автокөлік мамандандырылған айыптұраққа жеткізілді. Иелеріне берешекті белгіленген мерзімде толық өтеу қажеттігі туралы ресми ескерту жасалды.
