Экология департаменті басшысының орынбасары Дінмұхамед Лесбековтың айтуынша, жарты жыл ішінде мемлекеттік инспекторлар 49 тексеру жүргізген және оның 16-сы жоспардан тыс тексеру болған.
Оның негізінде 28 әкімшілік құқық бұзушылық туралы хаттама толтырылып, 23 айыппұл салынды, деп хабарлайды inbusiness.kz сайты.
"Оның ішінде берілген нұсқамаларды орындамаған 4 кәсіпорынға қатысты ӘҚБтК 462-бабының 3-бөлігі бойынша хаттамалар толтырылды. Іс материалдары сотқа жолданып, кәсіпорындарға жалпы сомасы 2,5 млн теңгеден асатын айыппұл салынды", – деді Дінмұхамед Лесбеков.
Сондай-ақ департамент өкілі ӘҚБтК-нің 328-бабының 4-бөлігі бойынша қаладағы бетон зауытқа қатысты соттың қаулысымен 2 млн теңге айыппұл салынып, заңбұзушылықтар толық жойылғанға дейін қызметі уақытша тоқтатылғанын атап өтті.
