"2020 жылы халық үшін жылу энергиясына тариф өзгерген жоқ. Бұдан басқа, халыққа арналған тарифтер: көрсетілетін қызметтер көлемінің өсуіне байланысты 2020 жылғы 1 наурыздан бастап -2%-ға, сондай-ақ 2020 жылғы 1 сәуір мен 31 тамыз аралығында -10%-ға төмендеді. 2021 жылғы 1 қаңтардан бастап жылумен жабдықтауға арналған тариф жоспарлы түрде 14%-ға өсуі күтілді. Алайда, Мемлекет басшысының халық үшін тарифтердің өсуіне жол бермеу туралы тапсырмасын орындау үшін энергия көздеріндегі тарифтер төмендетілді. Нәтижесінде, халық үшін тарифті 2020 жылғы деңгейде қалды", - деді спикер.
Сонымен қатар 2020 жылы көрсетілетін қызметтер көлемінің өсуіне байланысты 2021 жылғы 1 ақпаннан бастап халық үшін тарифтерді 3%-ға төмендетіледі. Бұл ретте халық үшін үнем 552 млн теңгені құрайды.
Сондай-ақ Алматыда 2020-2024 жылдарға арналған сумен жабдықтау және су бұру қызметтеріне тарифтің шекті деңгейі бекітілді.
"Сумен жабдықтау қызметтері бойынша халық үшін тариф 44,65 теңге/м3 кезінде -4%-ға 42,86 теңге/м3 дейін, су бұру қызметтері бойынша тариф 23,14 теңге/м3 мөлшерінде -0,1%-ға 23,12 теңге/м3 дейін төмендеді", - деп атап өтті Тимур Каленов.
