Алматыны 31 қаңтар күні таңертең қалың тұман басты, деп хабарлайды inbusiness.kz.
Әуежайдың онлайн таблосына сәйкес, бұл күні 12 рейс кешігіп келеді. Оның ішінде бес ұшақ Нұр-Сұлтаннан уақытында ұша алмады. Бұл бағыттағы рейсті қазақстандық төрт әуе компаниясы орындайды: Air Astana, Fly Arystan, Qazaq Air және SCAT.
Сондай-ақ Шымкент, Атырау, Жезқазған, Өскемен және Пхукет рейстері де кешігуде.
Ал бес ұшақ Алматыдан Нұр-Сұлтан, Атырау, Ақтөбе және Жезқазған бағыттары бойынша ұша алмады.
"Бүгінгі күні Алматы халықаралық әуежайы штаттық режимде жұмыс істеп тұр. Ауа-райының қолайсыздығына байланысты кешігулер жоқ. Кешігулер болса, әуе компанияларына хабарласуларыңызды сұраймыз", – деп хабарлады әуе айлағының баспасөз қызметі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
