Өтініш берушілердің айтуынша, бір топ жергілікті тұрғындар оларға қоқан-лоқы көрсетіп, жеке заттары мен ұялы телефондарын алып, өздерін жеке үйде ұстаған.
Бас консулдықтың қызметкерлері Алматы қаласының құқық қорғау органдары өкілдерімен бірге көрсетілген мекенжайдан Өзбекстан азаматтарын алып шығып, Бостандық ауданының полиция басқармасына жеткізген.
"Родник" қоғамдық қорымен бірлесіп, азаматтар тамағы берілетін жатақханаға орналастырылған. Кейін олардың паспорты мен жеке заттары түгенделгеннен кейін, Алматы-Ташкент маршруттық рейсімен елдеріне қайтарылды. Олар Өзбекстанға аман-есен жеткен.
Оларды "жұмысқа салды" делінген тұлғаларға қатысты ҚР Қылмыстық кодексінің 389-бабы бойынша қылмыстық іс қозғалды.