Таңертең ерте Алматы қаласының Түрксіб ауданында екі қабатты кафе ғимаратынан өрт шықты, деп хабарлайды inbusiness.kz сайты.
– Оқиға орнына өрт сөндіру бөлімшелері жедел жетті. Алғашқы бөлімшелер келген сәтте ғимараттың шатыры ашық жалынға оранған. Барлау барысында қосалқы бөлме мен шатырдың жанып жатқаны анықталды. Өрттің көршілес ғимаратқа таралу қаупі болды. Өрт сөндірушілердің жедел әрекетінің арқасында жалынның көрші нысанға таралуына жол берілмеді, – делінген хабарламада.
Сонымен қатар құтқарушылар жану аймағынан әртүрлі көлемдегі 6 оттегі баллонын сыртқа шығарып, олардың жарылу қаупінің алдын алды.
Өрт толығымен сөндірілді. Зардап шеккендер жоқ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
